親愛的公主

身邊的女性朋友當中，有一個有先天性公主病，有時對住她真的哭笑不得。

屈指一算，已有一年沒見過公主，於是便約出來吃個晚飯，誰知。。。

- 明明約了在旺角，下午四時，住在馬鞍山兼且不用上班的她突然sms問我 "你可唔可以過來沙田食飯?" 我心諗: "可唔可以? 梗係唔可以啦!!! 我係數碼港返工，住北角架，公主!!"

- 跟住公主又講 "出到黎你請我食飯呀!! 咁耐無見!" 一男一女出來吃飯，我從不介意我請，AA制好像怪怪的，但你不用開口吧?

- 然後公主想食完飯睇戲，我說不要了，吃個飯傾下，睇戲下次再約吧~ 公主不滿地說 "下? 我專登出黎食餐飯?? " 我說 "呀公主，我都係專登過海食飯架啦，咁又如何呢? " 公主想了一想勉強地說 "唉..好啦好啦"

- 我對公主說大約730我到旺角，公主說 "咁你預我8:00到啦~" 我說 "你又唔駛返工，做咩要遲30分鐘呢? 你試下遲多過15分鐘，睇下我下次仲約唔約你!!"

- 公主700到了旺角，我730到了便致電給她，她人在朗豪坊。740我到了朗豪坊再致電給她，公主說 "哎呀，我在試衫呀~~" 我說"咁我搵位先啦" 。810 公主終於出現，我已坐低食左兩碟壽司~~

一見她我便扮關心的說 "公主，呢邊呀! 你終於到啦公主? shop 得攰唔攰呀公主??" 然後變臉 "作死呀你!! 居然走左去買衫!!?" 周圍的人都望住，超爆笑。

其實呢位朋友既病情比起以前已經有改善，同埋只要你唔係追佢，唔駛遷就佢便無問題.....哈哈~~