婚宴

一個月內去兩次婚宴著實令人吃不消，再多則更不用說。

未試過有婚宴如此多驚奇及笑位。

我呀媽的咪咪姐假髮加衣著足以令她成為全場騎呢榜的首三位，"講野要有牙力，睇牙最緊要揀有實力~" 成晚一望到佢就忍唔住笑!! (完全唔明點解要戴假髮，攪到個頭大左成倍)

主禮律師廢話連連，什麼"心中愛火射出黎" "一生何求"，真的想企起來大喊 "夠啦你!!!"

未見過MC係酒樓的部長，整晚重覆那些押韻的 "飲得越深，愛得越真"。全場最經典的一句 "三年抱兩，女的叫如意，男的叫吉祥!!"

中段MC走上台，問大家是否滿意食物，之後便說 "我地酒樓d乳豬真係好野架，邊位將會擺酒既, 搵我!! 有折~"

到底發生緊咩事!!!????

旁邊的一枱未開席先興奮，整晚自得其樂地 "十三張"，新郎在感謝父母的時候，突然聽到有人喊 "煙二滔!!" "哎呀....我pair 六呀!!" "你頭先都食左我幾注架啦喎!!!"

我們除了大O咀，無能為力作出其他反應。

音樂明顯是酒樓的七、八十年代例牌飲歌，"齊鼓掌!! 今晚我開心你請欣賞~~~ 齊鼓掌!!"

以為大聲便是好氣氛，震耳欲聾，極怕吵的我，真的給它攪得頭痛兼頭暈，巴不得立即起身走人。

慶幸的是上菜速度奇快，沒有冷場，9:30開席，11:00已食紅豆沙。。。

"齊鼓掌~~"