小寶變身七仔

之前帶左小寶去剪毛，成身短晒得番個頭同條獅子尾，十足十"長江七號"裡面隻七仔，我差d想將佢個身噴埋做綠色，咁就直頭一模一樣。

但係唔知係咪間舖頭用左好多濃味既沖涼液，攪到七仔超唔鐘意，不停咁舔身，食唔安坐唔落咁，見到佢都辛苦。結果過左兩日先好d，家陣已經回復正常，經常成條臘腸咁周地碌。。。

其實小寶仲有好多"朵"，例如 "寶皮"、"條皮"、"肥鬼".......唔知會唔會攪到小寶思想混亂既呢?

愛上了。。。G-Shock

之前睇完 "Deaths of Ian Stone"，見個男主角戴住隻G-Shock幾靚，又見到地鐵周圍G-Shock廣告果隻好似好型咁，心郁郁四圍睇，又想要有跳字，又想要行針，揀黎揀去都係買左地鐵廣告果隻，但係黑膠帶，老婆話好睇d，依家成日帶住，好鬼鍾意!!!

愛上了

發覺自己是個三分鐘熱度既人，而且心多多，呢樣又想試，果樣又想試。於是我開了一個新既topic 種類為 "愛上了"。

最近join 了gym，愛上了跑步...每次跑佢廿分鐘，仲可以一路聽住耳筒睇電視一路跑，跟住沖個涼 - 正呀!!