點解既? 點解既?

之前好友B的生日聚會，如常一大班人出去飲野。呢d場合總會有人酒後發狂，大叫大嚷; 有人心情壞透，低聲飲泣又或者哭成淚人。夠竟是大家工作/ 生活上壓力太大要如此宣洩，抑或是受環境影响?

最攪笑的是我和好友B的女友C小姐傾左成半個鐘，其中佢講左一個好有趣既理論。佢話 “點解要成日飲酒呢? 個原理根本係猜枚輸左要飲，即係飲係唔好架啦，咁點解仲要係咁飲姐?” 我聽完真係坐左係度唔識講野，佢係啱，成日飲酒係唔好，但做人又唔駛下下咁理性，下下問點解既。

飲酒既好處係唔駛諗野，係咁飲，千祈咪呢個時候仲要俾d問題佢諗，點解要飲? 點解要同女仔猜? 點解要咁癲? 點解唔理我? 夠啦夠啦…C小姐，如果你為佢身體好，為你地關係好，唔好再黑面，唔好再俾hard time 佢受啦，不如你轉個方式，笑多d，嗲佢多d，笑笑口禁住佢唔好飲咁多可能仲有效啦。

我成日都講 “處理事情的方法有好多種，唔好用最差既方法啦，唔該”